Самсон Безмятежный бұқаралық ақпарат құралдары саласындағы нұсқаушы, «Genesis Youtube Kazakhstan and Central Asia» компаниясының директоры, продюсер қызметтерін атқарады. «Genesis» компаниясы «Youtube» компаниясының Қазақстандағы және Орта Азиядағы «NurKZ IT Company» компаниясының құрамына кіретін сертификатталған ресми серіктесі болып табылады.

Жобалары:

• Орта Азияда «YouTube» компаниясының каналдарын алға жүргізу
• «yvision.kz» платформасында қазақ блогосферасын дамыту
• «Seven Channel» каналындағы интернет жобаларды сандық басқару 
• «ВООМ» ойын-сауық шоуына арналған «екінші экран» технологиясы бар алғашқы мобильді қосымшаны жасаушы 

«YouTube Festival» жобасының Қазақстандағы бірегей және жалғыз түрі  – «ВидеоБәйге»фестивалін ұйымдастырушылардың бірі.

Радхиканың технологиялық салада 30 жылдан астам жұмыс тәжірибесі бар, «Google», «Hewlett Packard» және  «Siemens» секілді жетекші компанияларда жұмыс істеген.

«Google» компаниясында Радхика инженерлік-техникалық бөлімнің директоры лауазымында қызмет етіп, 20 жыл бойы өнімнің бірнеше маңызды түрлерін іске қосу және дамыту үшін жауапты болды. 2000 жылы «Google Ads» жарнама бөлімінің басшысы лауазымынан бастап, Радхика «Google Images» бөлімшесінің негізін құрды, жұмыс топтарын құрып, олардың жұмысын үйлестіре отырып, бірнеше жыл ішінде күніне миллиардтан астам сұрауға жауап беруге қабілетті команда құрды. «Google LocalSearch» платформасын іске қосып, «Google» жүйесінде веб-іздеу үшін негізгі серверлік жүйелерді құра білген ол пайдаланушыларға өздерінің демалыс сапарларын жақсы жоспарлауға көмектесу мақсатында «Google Travel Search» қосымшасының негізін құрып, оған басшылық етті.

«Google» компаниясында жұмыс істегенге дейін Радхика «Hewlett Packard Labs» компаниясында ақпараттық-талдау бөлімінің қызметкері ретінде жұмыс істеді, мұнда ол «IP-желісінің»  торабы үшін көп адрестік таратуды басқаруға бағытталған жаңа желілік өнімді ойлап тапты, бұл, ең алдымен, мультимедианы пайдалану өрісін кеңейту үшін жасалды. «HP Labs» компаниясында жұмыс істеуден бұрын ол «Siemens» компаниясында «SCADA» жүйесін жасаумен айналысты.

Радхика әлеуметтік тараптан әсер ететін технологияларды қолдануға көп қызығушылық танытады, ал жақында ол «Google» компаниясынан кетіп, алдына нақты мақсаттар мен міндеттерді қоя алатын жаңадан құрылған бірнеше компанияға көмек көрсетуді жөн көрді. Ол компанияның негізін құрушыларға маңызды стратегиялық мәселелерді егжей-тегжейлі ойластыруға көмектесу мақсатында өзінің сәтті өнімдерді құру және масштабтау бойынша көп жылдық тәжірибесін қолданады.  Қазіргі уақытта ол «Nexleaf Analytics», «Simprints» компанияларының, сондай-ақ, «Educate!» компаниясының директорлар кеңесінің мүшесі ретінде қызмет етеді, сонымен қатар «Francis Energy», «TalkingPoints» және «Dost Education» секілді жаңадан құрылған компаниялардың бірнеше башысына кеңес береді. Оның үстіне, Радхика  «CIFF» (Балалар инвестициялық қорының) қорының техникалық директоры және де «Unreasonable Group and Rippleworks» ұйымының жетекшісі болып табылады.

Радхиканың компьютерлік ғылымдар саласында  ғылыми дәрежесі бар, бұл дәрежені ол Беркли университетінде (Калифорния, АҚШ) алған.

Сандық трансформация стратегиясы саласындағы маман, сандық дәуір ұсынатын мәселелерді шешу және мүмкіндіктерді пайдалану үшін ірі және шағын ұйымдармен жұмыс істейді, Оның клиенттерінің қатарында телекоммуникация, үкімет, фармацевтика, қаржылық қызметтер, бөлшек сауда, сусындар және жарнама секілді түрлі секторлардағы ғаламдық және өңірлік брендтер бар. Ол Біріккен Ұлттар Ұйымының Дамыту бағдарламасы (БҰҰДБ), Черногория үкіметі, Загреб Әлеуметтік инновациялар зертханасы, «Publik» компаниясы («Alkaloid Skopje» компаниясының құрамында, Скопье қ., Македония), Өңірлік мемлекеттік басқару мектебі (ReSPA) секілді клиенттермен жұмыс істеген.

Черногория азаматтары мен ұйымдарына әлеуметтік өзгерістерді жүзеге асыру және сандық ортада бизнес жүргізу үшін жаңа тартымды мүмкіндіктерді танып-біліп, іске асыруға көмектесетін бейүкіметтік ұйым «Digitalizuj.Me» компаниясын құрушылардың бірі. 2013 жылдан бері жыл сайын ұйымдастырылып, өткізіліп отыратын Оңтүстік-Шығыс Еуропадағы таңдаулы технологиялық бизнес-конференциялардың бірі «Spark.me» жобасының бағдарламалық директоры. Черногория менеджерлері қауымдастығы тарабынан «Жыл жобасының басшысы» атағына ие болған. Оңтүстік-Шығыс Еуропадағы жетекші бизнес-мектептердің бірі болып табылатын «COTRUGLI (E)» бизнес-мектебінің «MBA» (бизнес-әкімшілендіру магистратурасы) бағдарламасы аясында «Бизнесті сандық дәуірге қарай түрлендіру» пәнін жүргізеді. Черногория университетінде стратегиялық менеджмент бойынша 12 жыл бойы сабақ береді. Перудан бастап Тайваньға дейін 4 континентте орналасқан 20 елдегі негізгі баяндамашы. «TEDx» игішарасында үш рет баяндама жасаған, оның ішінде Загреб қаласында (Хорватия) мыңнан астам адамның алдында «TEDxZagreb» шарасы аясында баяндама жасады.

Жаннат Алшанова – Қазақстаннан шыққан, түрлі марапаттарға ие болған жазушы, режиссер және продюсер. Ол бірнеше қысқаметражды фильмнің сценарийін жазып, түсірген. Бұл фильмдер Канндағы фестивальда («Cinéfondation» фестивалі), «Sundance» фестивалінде, Локарнодағы фестивальда («Pardino d'Argento» сыйлығы – Күміс қабылан), Торонтадағы халықаралық фестивальда, «PÖFF Shorts» қысқаметражды фильмдер фестивалінде және тағы басқа көптеген халықаралық фестивальдарда көрсетілген болатын. Оның алғашқы толықметражды «Ана тілі» фильмі

«Asian Project Market 2019» (Оңтүстік Кореядағы Пусан қ. ХКФ) көрмесінде «ArteKino» халықаралық сыйлығына ие болды. Оның «London Film School»-да алған кино магистрі дәрежесі бар, сонымен қатар «Berlinale Talents» берлиндік дарындар мектебін және «Sundance Institute» институтын тәмамдаған. Жақында ол «Sundance Collab Challenge» бағдарламасының аясында «Time Capsule» (Уақыт капсуласы) байқауының қазылар алқасы құрамында жұмыс істеді.

Рашид Нугманов, кинорежиссер, сценарийші, продюсер

Білімі: Қазақ политехникалық институты («Сәулет»); Герасимов С.А. атындағы Бүкілодақтық мемлекеттік кинематография институты («Көркем фильмдер режиссурасы»). Соловьёв Сергейдің, Васильев Анатолийдің, Лебешев Павелдің және Бодров Сергейдің тәрбиесін алған. 

Марапаттары: «Йа-Хха» қысқаметражды фильмі (Халықаралық Мәскеулік кинофестивальда «Молодое советское кино» (Жас кеңес киносы) бағдарламасында ФИПРЕССИ сыйына ие болған/1987); «Игла» (Ине) толықметражды фильмі (Нюрнбергтегі Халықаралық кинофестивальдың басты сыйы/1990, Берлиндегі ХКФ — «Panorama» бағдарламасының қатысушысы/1989, Одессадағы «Алтын Дюк» кинофестивалінде «Айрықша көзқарас» байқауындағы киноклубтар сыйы /1988); «Дикий восток» (Жабайы шығыс) толықметражды фильмі (Валансьендегі шытырман оқиғалы фильмдердің 5-ші ХКФ қазылар алқасының Арнайы сыйлығы, Франция/1994). Американдық фильмдердің түсіріліміне қатысқан: продюсер Эдвард Прессман үшін Уильям Гибсонның қатысуымен «Citadel of death» фильмі; режиссёр-сценарийші Леонард Шрадер және продюсер Дэвид Уайзман үшін «Spirit Break» фильмі.

Ағылшын тіліндегі бірегей сценарийлер: «Russky Swing», «The Golden Idol» (сатылған), «Innervision», «Spell», «One» (опцион).

2015 ж, бастап 2017 жж. дейін – Халықаралық кинопродюсерлер федерациясы (FIAPF) аккредитациялаған «Еуразия» ХКФ бас директоры. Қазақстан Ұлттық Кинематографиялық өнер және ғылым академиясының негізін құрушы және тұңғыш президенті. Франция Өнер және әдебиет орденінің кавалері.

2018-2019 жж. «DRAMATICON» тәжірибелік драматургия бойынша бірегей курс жасады, 2020 жылы «ЭКСМО» баспасымен аттас кітапты жариялау туралы келісімге қол қойды. Өзі сценарийін жазған, режиссеры және продюсері болған «Бату» деректі драмасын және «Бог» (Құдай) ойын-сауық фильмін өндіріске дайындау үстінде. 2020 жылы Соловьев Сергеймен бірге БМКИ институтында режиссерлық шеберхана ашып, драматургия бойынша курс өткізуде,

Гульназ Балпеисова, театр режиссеры

Режиссер Р. Туминастың тәжірибе жинақтаушы көмекшісі ретінде келесі спектакльдердің шығарылымына қатысты: «Евгений Онегин» (А.С. Пушкин романынан алынған үзінділер), Г. Кановичтің романдары желісімен «Улыбнись нам, Господи» (О, құдай, бізге қарап күлімдеші»), Т. Бернхард бойынша «Минетти». Сонымен бірге, келесі режиссерлардың көмекшісі ретінде қызмет еткен: Ю. Бутусов (М. А. Булгаков «Бег» (Жүгіру)), С. Пуркарете (Ж.Б. Мольер «Мнимый больной» (Жалған науқас)).

Евгений Вахтангов ат. театрдағы қойылымдар: «Римас Туминас Шеберханасының Спектакльдері» жобасының аясында И. Бунин әңгімелерінің желісі бойынша «Парижде», А. Стриндбергтің пьесасы бойынша «Фрекен Жюли», Симонов сахнасында «Стефан Цвейг. Новеллалар» спектаклінде  «Лепорелла» новелласын қойған, «Всё будет» (Бәрі болады) Н. Садур.

Билл Олет бүкіл әлем бойынша кәсіпкерлікті түсінуге, оқытуға және тәжірибеден өтуге қатысты әдістерді өзгертеді. Гарвард университетінің және Массачусетс технологиялық институтының ғылыми дәрежелерін алған Билл 25 жылдан астам уақыт бойы алдымен «IBM» компаниясында жұмыс істеп, осы уақытта үш рет қатарынан кәсіпкерлікпен айналысқан. Ол өзінің компаниялары арқылы миллиондаған доллар тұратын акционерлік құн жасайды. Соңғы жеті жыл бойы ол өзі көптеген марапаттарына ие болған Массачусетс технологиялық институтында кәсіпкерлік білім беруді дамыту үшін жауап береді.

Оның 2013 жылы жарық көрген «Тәртіпке салынған кәсіпкерлік» кітабы халықаралық бестселлерге айналып, кәсіпкерлікті қолжетімді және жүйелі түсіндіре білгені үшін түрлі марапаттарға ие болды. 2017 жылдың сәуір айында оның жалғасы – «Тәртіпке салынған кәсіпкерліктің жұмыс дәптері» кітабы шығарылды. Билл кәсіпкер болудың жолын түсіндіріп жазады және білім мен экожүйелердің маңыздылығын айтады. Оның жұмыстары «Wall Street Journal», «TechCrunch», «Boston Globe», «Kauffman Foundation», «Huffington Post» және басқа да танымал баспаларда кеңінен жарияланады. Ол «CNBC» және «Bloomberg News» телеарналарының «Squawk Box» секілді шоуларының, сонымен қатар бүкіл әлем бойынша түрлі шаралар мен конференциялардың жүргізушісі. Ол «MITEK Systems» компаниялар тобының (биржадағы индексі «NASDAQ»: MITK) және «XL Hybrids Inc.» компаниясының (жеке меншік компания) директорлар кеңесінің мүшесі. Билл Массачусетс технологиялық институтында дәріс берумен қатар, Стратклайд университетінің (Шотландия) кеңесші-профессоры лауазымына ие және Азия бизнес мектебінің оқытушы-профессорлық құрамы мүшелерінің бірі.

Dequine – қазақ әншісі. Әншілік карьерасын 2016 жылы YouTube каналында алғашқы тректерін жариялаған кезде бастады. Олар көпшіліктің көңілінен шығып, көптеген лайктар жинады.

2019 жылдың ортасында Dequine «‎Пьяная вишня» атты алғашқы альбомын шығарды. Ол бірден жергілікті ТОП әндердің арасында көш бастады.

Сет Синклер – тіл оқытушысы және педагог, АҚШ-тың Бостон қаласындағы  Массачусетс университетінің (UMASS) қолданбалы  лингвистика магистрі ғылыми дәрежесіне ие.

АҚШ, Оңтүстік Америка, Таяу Шығыс және Орта Азияда он жылдан астам жұмыс тәжірибесін жинақтаған. 2019 жылдан 2020 жылға дейінгі кезеңде Қазақстанда Алматы қаласында ағылшын тілінің ғылыми қызметкері және маманы болып жұмыс істеген.

«Тоғыз әңгіме» – қазіргі заманғы американдық авторлардың орыс тіліндегі әңгімелер жинағы. Бұл жобаға қазақстандық автор және «IWP International Writing Program» (Мәтіндерді өңдеу бойынша Халықаралық ұйым бағдарламасының) түлегі Юрий Серебрянский, сондай-ақ аудармашы және мәдениеттанушы Антон Платонов жетекшілік етеді.

Алматыдағы АҚШ Консулдығының қолдауымен бұл жоба 2018 жылы аудармашылар шеберханасы ретінде жұмысын бастаған, кейіннен Әдеби аударма зертханасына (Literary Translation Laboratory) өзгертілген, жобаға қазақстандық авторлар мен әдеби аудармашылар тобы - Полина Чичина, Орал Арукенова, Маиржан Курманов, Виктория Русакова, Анна Кожанова, Екатерина Патрикова, Алена Ким, Ольга Абрамова, Мария Кузнецова, Меруерт Таир, Камилла Мушкина, Катерина Дзвоник, Марина Михтаева, Катерина Ходырева, Джамиля Ахмедова қатысады.

Public Records, Ace Hotel, Public, Soho Grand Hotel (Нью-Йорк) тұрақты DJ.

Алматыдағы Jazzystan музыкалық фестивалінің (2009-2018) негізін қалаушы және продюсері. 

Рустам Оспанов соул ағымының бүкіл дүние жүзіндегі ең терең дыбыстарын  жинақтап, өзінің тамаша музыкалық саяхаттарында жеткізіп отырады. Рустам Қазақстанның тумасы. Оның шығармашылық мақсаты әрқашанда адамдарды арнайы іс-шаралар, тікелей концерттер мен радиошоулар  ұйымдастыру арқылы алуан түрлі музыкамен таныстыру болып табылады.  Ол Jazzystan музыкалық фестивалінің (Алматыда 2009 жылдан бері өткізіліп келеді) негізін қалаушы ретінде көбірек танымал және өз елінде 9 жылдан бері 28 музыкалық фестивальға продюссерлік етеді.

Қазір Нью-Йоркте тұрып жатқан кезінде Рустам қараңғы андерграунд стиліндегі үйдегі сауық кешінде де, жоғары санаттағы қонақ үйдің барында да өнер көрсетуде өзін жайлы сезіне алатын шыңдалған әрі жан-жақты DJ-ге айналған. Рустамның бірегей дүниетанымға ие күйтабақтар жинағы бар -  оның ойнайтын әрбір әні әдемі терең дыбысқа және бөлмені жылы және сергек күш-қуатқа толтыратын ырғақты битке ие. Көпшілік оның не ойнап отырғанын білмеуі мүмкін, бірақ олар мұның Нью-Йорктегі таңғажайып сәт үшін лайықты дыбыс екенін сезінеді.

Рустам Нью-Йоркті шарлап, диджеингпен айналысып жүрмеген кездерінде оны аты аңызға айналған тұлғалардың әлі де беделі бар Нью-Йорктің ең үздік би алаңдарында шат-шадыман билеп, әңгіме-дүкен құрып жүргенін көруге болады.  Рустам - диджей, бірақ бірінші кезекте ол музыканы сүюші. Сіз оны аптаның кез келген күнінде, әлемдегі ең таңдаулы музыкалық талғамға ие 4 жасар ұлы Мансурмен бірге қаланың музыкалық дүкендерінде бар ынтасымен күйбеңдеп жүрген жерінен таба аласыз.

Рустам Jamiroquai, Incognito, Joss Stone, Omar, Marcos Valle, Jazzanova, Gilles Peterson, LEFTO, Nubya Garcia, EZRA Collective, Soil & Pimp Sessions, Kutiman Orchestra және тағы басқа көптеген әртістердің қатысуымен тікелей өнер көрсетудің бастамашысы, тапсырыс берушісі және продюсері болды. Оның  диджейлік сеттері оны дүние жүзіне: Worldwide (Франция), Cully Jazz (Швейцария), Southern Soul (Черногория), Terraneo (Хорватия), Sunsplash (Түркия) музыкалық фестивальдерінен бастап  Лондондағы (Plastic People), Нью-Йорк, Лос-Анджелес, Тель-Авив, Токио, Шанхай, Сингапур, Гамбург, Париж, Лион, Сет, Лиссабон, Брюссель, Льеж, Гент, Женева, Сиерре, Прага, Братислава, Вена, Мәскеу, Санкт-Петербург, Дубровник, Загреб, Марибор, Тбилиси, Бішкек және басқа да әлемнің түкпір-түкпіріне жеткізді.

Рүстем – білі беру  робототехникасы нарығындағы көшбасшы болып саналатын «Robo Technologies»  («Robo Wunderkind» («Робо Вундеркинд»)  атты білім беру өнімін шығаратын компанияның) компаниясының негізін қалаушы және бұрынғы бас директоры. «Аркли» («Arkley») компаниясы «Робо Вундеркинд» жобасын алғашқы инвестициялау ісінде инвестор рөлінде көрінді. Рүстем Вена технологиялық университетінде оқып жүрген кезінде өзінің екі серіктесімен 2013 жылы «Robo Wunderkind» компаниясын құрып, идеясын жүзеге асыру барысында жаңадан көтеріліп келе жатқан компанияны 58 елде клиенті бар компанияға айналдырды. 2014 жыл мен 2017 жыл аралығында Рүстем бір жарым жыл Шэньчженде (Қытай) тұрған кезінде өз роботтарын жеткізуге арналған желіні құрастыру мақсатында жергілікті зауыттармен жұмыс жүргізді. «Robo Wunderkind» компаниясында еңбек етпес бұрын Рүстем «Pioneers» компаниясының маркетинг және өткізу бөлімінде жұмыс естеді. Рүстемді «Forbes Magazine» журналы «30-дағы және одан жас» тізіміне енгізген, ал «Financial Times» журналының және «Google» ұлтаралық компаниясының хабары бойынша «New Europe 100» тізіміне енген. «HAX» түлегі және «Techcrunch Disrupt Startup Battlefield 2015» конкурсының жеңімпазы. Рустем «TedX» іс-шарасында, сондай-ақ Тайбэй, Инсбрук, Мюнхен, Астана, Гонконг және Шэньчжэнь қалаларында өнер көрсеткен. Рүстем – модульдік робототехника саласындағы халықаралық патенттің иегері. Қолы бос кезінде теннис, ойнағанды ұнатады, пианинода ойнайды, кітап оқығанды жақсы көреді.

Рүстем Венада (Австрия) ірге тепті, ол Германия, Австрия және Швейцарияны қамтитын өңірлердегі, сондай-ақ ТМД елдеріндегі «Arkley» компаниясының инвестицияларына жауапты. Рүстем Акишбеков – дүниежүзілік алаңда табысқа жету жолында Германия, Австрия және Швейцария кәсіпкерлеріне көмек көрсетуде маманданатын «Arkley VC» компаниясының серіктесі.

«Robo Wunderkind» компаниясын құрушы |

«Forbes» журналының «30-дағы және одан жас» атты тізімі.